"Baxmayaraq ki, noyabrın 24-də Avropa İttifaqının (Aİ) Şərq Tərəfdaşlığı sammiti başa çatdı və yekun sənəd olaraq bəyannamə qəbul edildi, Ermənistan təxribatçı əməllərini hər zaman davam etdirəcək. Ona görə ki, Ermənistan işğalçı ordusunu Azərbaycan ərazilərindən geri çəkmir". Bunu açıqlamasında millət vəkili Rövşən Rzayev deyib.
Onun sözlərinə görə, sadəcə olaraq rəsmi İrəvanın böyük tərəfkeşləri vardır: "Ermənistan erməni lobbisinin hesabına Rusiyada, Avropada, Fransada, Amerikada dünya ictimaiyyətindən işğalçı siyasətini gizlədir və ikili oyunlar oynayır. Bu şərait ona yaradılır. Mən heç bir zaman inana bilmərəm ki, Rusiyanın razılığını əldə etmiş Ermənistan Avropa İttifaqı ilə o cür müqavilələr imzalasın. Bu dünyada, ümumiyyətlə, heç bir ölkədə mümkün olan məsələ deyil. Bunu yalnız Ermənistan bacarır. Onun həm Avrasiya İttifaqı ilə, həm də Avropa İttifaqı ilə müqaviləsi var. Yəni bu şərait eksklüziv bir şəraitdir. Təbii ki, bu da Ermənistana yaradılıb. Bunun arxasında dayanan qüvvələr də Ermənistanın işğalçı siyasətini ört-basdır etməyə çalışırlar. Amma Azərbaycanın daxili və xarici siyasətinin güclü əllərdə olması, cənab Prezidentin dünya siyasətində mövqeyinin qəti, birmənalı olmağına görə, beynəlxalq, bütün vacib sənədlərdə ölkəmizin haqlı səsi önəmə çıxır və Azərbaycanın maraqlarına uyğun da hər hansı bir sənəd qəbul edilir. Əgər Azərbaycana qarşı ikili standartlar ortalıqdan götürülsə ölkəmiz qısa bir zaman çərçivəsində ərazi bütövlüyünü bərpa edə biləcək".