Artıq siyasi partiyalardan 11-nin səlahiyyətli nümayəndələrlə bağlı iddiası təmin olunub.
Bunu MSK-nın iclasında komissiyanın sədri Məzahir Pənahov bildirib.
O qeyd edib ki, artıq dairələrə müraciətlər başlayıb:
“Siyasi partiyaların fəallığı hiss olunur. İndiyədək 469 nəfər namizədliyini irəli sürüb. Bu, çox böyük göstəricidir.
Çoxları namizədliyini fərdi qaydada irəli sürüb, amma kifayət qədər partiya mənsubiyyəti olanlar da var. 233 iddiaçının 155-i imza vərəqi alıb. Həqiqi mənada mübarizə gələn həftədən başlayacaq. Namizədlərin qeydə alınması yanvarın 10-dək davam edəcək. Yanvarın 10-u son gündür. Bizim üçün həmin günlər adi iş günləridir”.