Bu gün Latviyada yaşayan bir qrup soydaşımız Azərbaycan Ordusunda könüllü qulluq etmək üçün Azərbaycanın bu ölkədəki səfirliyinə müraciət ediblər.

AZƏRTAC xəbər verir ki, səfirliyin konsulluq şöbəsində qeydiyyata düşən həmvətənlilərimiz Azərbaycan ərazilərinin hərbi işğalı ilə heç zaman barışmayacaqlarını bildiriblər.

Doğma vətənimizin müdafiəsinə daim hazır olduqlarını söyləyən soydaşlarımız torpaqlarımızın qısa zamanda erməni təcavüzkarlarından azad ediləcəyinə əminliklərini vurğulayıblar.