Yanvarın 9-u günortadan sonra Əlborz Sənaye Şəhərciyində yerləşən heyvan və quş dərmanı istehsal edən müəssisələrdən birində yanğın hadisəsi baş verib.

Qəzvin əyalətinin Təcili Yardım Mərkəzinin başçısı Həsən İsmailinin verdiyi məlumata görə, yanğın nəticəsində 4 nəfər ölüb və 3 nəfər yanıq xəsarətləri alıb.

Onlardan ikisinin vəziyyətinin ağır olduğu bildirilir.

Əyalətin Böhran İdarəetmə Mərkəzinin rəhbəri Məhəmməd Rza Əzimi yanğının səbəblərinin araşdırıldığını və nəticənin media vasitəsilə bildiriləcəyini deyib.