Qərbi Azərbaycan əyalətinin mərkəzi Urmu şəhərində ictimai nəqliyyat çatışmazlığı yaşanır və bu səbəbdən vətəndaşlar ciddi problemlərlə üzləşiblər.

Gunaz.tv

Bu barədə Urmu şəhərinin bələdiyyə başçısı Hüseyn Mehdizadə deyib.

O, şəhər və şəhərətrafı əhalinin sayının artmasına baxmayaraq ictimai nəqliyyat və avtobusların sayının artmadığını, bir çoxunun köhnələrək sıradan çıxdığını söyləyib.

Bələdiyyə başçısı hal-hazırda əyalət mərkəzində 800 avtobusa ehtiyac olduğu halda onların əldə edilməsi üçün vəsait mövcud olmadığını bildirib.

Qeyd edək ki, bundan əvvəl də şəhər rəsmiləri ictimai nəqliyyat vasitələrinin çatışmadığını, mövcud olan avtobusların çoxunun istifadəyə yararsız olduğunu deyiblər.

Mərkəzdən büdcə ayrılmadığına görə, uzun illər davam edən nəqliyyat probleminin həlli mümkün olmayıb.