İtaliya gələn il ev sahibliyi edəcəyi “Böyük yeddilər” (G7) sammitində süni intellektin imkanlarını tətbiq etmək niyyətindədir.

AZƏRTAC xəbər verir ki, bununla bağlı müzakirələr İtaliyanın Baş naziri Ciorcia Meloninin “LinkedIn”in qurucusu, süni intellektin inkişafı sahəsində qlobal miqyasda aparıcı ekspertlərdən biri olan Reid Hoffman ilə görüşündə aparılıb.

Görüşün əsas mövzusu çoxtərəfli arenada müzakirə olunan və İtaliyanın keçirəcəyi G7 sammitində geniş tətbiq etməyi planlaşdırdığı süni intellektin imkanları və mümkün risklərlə bağlı olub.

Qeyd edək ki, 2024-cü il iyunun ikinci yarısında İtaliyanın Puqliya regionunda G7 qrupuna daxil olan ölkələrin liderlərinin Zirvə görüşü keçiriləcək.