Beynəlxalq Valyuta Fondu (BVF) uzadılmış kreditləşmə mexanizmi çərçivəsində Ukraynaya növbəti tranşın ayrılması ilə bağlı işçi səviyyəsində razılığın əldə olunduğunu açıqlayıb.

BVF-nin mətbuat xidmətinin yaydığı bəyanatda bildirilir ki, işçi səviyyədəki saziş Kiyevə 880 milyon dollar məbləğində tranşın ayrılmasını nəzərdə tutur.

Sənəddə vurğulanır ki, sazişlər BVF rəhbərliyi və İdarə Heyəti tərəfindən təsdiqlənməlidir.

Reuters daha əvvəl bu məsələyə martın ikinci yarısında baxacaqlarını bildirmişdi.

BVF nümayəndələri yaydıqları bəyanatda Ukrayna iqtisadiyyatının “güclü artımının müsbət dinamikasını” qeyd ediblər. Eyni zamanda, təşkilat etiraf edib ki, Ukrayna iqtisadiyyatının cari il üçün inkişafı ilə bağlı proqnoz “son dərəcə qeyri-müəyyən” olaraq qalır.

Cavid