Rusiya ABŞ və NATO-nun kosmosu hərbi qarşıdurma meydanına çevirmək cəhdlərinə qarşı mümkün əks tədbirləri öyrənir.

APA-nın Moskva müxbiri xəbər verir ki, bunu Rusiya Federasiyası xarici işlər nazirinin müavini Sergey Ryabkov bildirib.

“Biz kosmosdan, o cümlədən kosmosdakı hədəflərdən silahların istifadəsinə qəti şəkildə qarşıyıq”, - deyən Ryabkov, NATO ölkələrinin Ukraynaya Rusiya Federasiyasına zərbə endirmək üçün kosmik kəşfiyyat vasitələrinin istifadəsinin mümkünlüyü ilə bağlı sualı cavablandırıb.

Lakin Birləşmiş Ştatlar və onun bəzi digər NATO müttəfiqlərinin kosmosun şiddətli qarşıdurma meydanına çevrilməsi istiqamətində getdikcə daha intensiv hərəkət etməsi bizi praktiki baxımdan bütün bunların nə demək olduğunu, burada hansı əks tədbirlərin görülə biləcəyini nəzərdən keçirməyə məcbur edir. Biz kosmosun silahlanma yarışı meydanına çevrilməsinin əleyhinəyik, xüsusən də döyüş əməliyyatları sferasında...”, - deyə rusiyalı nazir müavini vurğulayıb.