Türkiyə Vəkillər Kollegiyasının (Türkiye Barolar Birliği - TBB) 38-ci ümumi yığıncağı 7-8 dekabr tarixlərində keçiriləcək.

Xalqcəbhəsi.az-ın məlumatına görə, bu haqda Türkiyənin “yenicaggazetesi.com.tr” saytı xəbər paylaşıb.

Xəbərdə bildirilir ki, yığıncaqda əvvəlcə şuranın sədri seçiləcək, daha sonra isə əvvəlki dövr hesabatları müzakirə edilərək səsverməyə çıxarılacaq.

Ümumi yığıncağın ikinci günündə isə prezident seçkiləri keçiriləcək, idarəetmə, intizam və müşahidə qaydaları müəyyənləşəcək. Erinç Sağkanın yenidən namizəd olduğu seçkilərdə Samsun Vəkillər Kollegiyasına qeydiyyatdan keçmiş vəkil Emrah Yavuzcan və Muş Vəkillər Kollegiyasına qeydiyyatdan keçmiş Mehmet Zahit Söylemez də prezidentlik uğrunda mübarizə aparacaq.