ABŞ Prezidenti Donald Tramp dünən verdiyi açıqlamada, “Sabah ticarətlə bağlı ən azı 7 ölkə ilə bağlı elan verəcəyik, günortadan sonra isə daha çox ölkə açıqlanacaq,” deyə bildirib və yeni gömrük rüsumları ilə bağlı detalların ictimaiyyətlə paylaşılacağını qeyd edib.

Xalqcebhesi.az xəbər verir ki, ABŞ bəzi ölkələrə qarşı yeni gömrük rüsumları tətbiq etməyə hazırlaşır. Trampın bu açıqlaması son həftələrdə xüsusilə BRICS ölkələrinə qarşı sərt vergi siyasətləri və Avropa İttifaqı (Aİ) ilə gərginləşən ticarət münasibətləri fonunda diqqət çəkib.

Mütəxəssislər Trampın qeyd etdiyi 7 ölkənin daha əvvəl gömrük məktubu göndərilmiş Tunis, Malayziya, Qazaxıstan, Cənubi Afrika, Bosniya və Herseqovina, İndoneziya, Serbiya, Banqladeş, Kamboca, Tayland, Laos və Myanma ola biləcəyini bildirirlər.

Məryəm Quliyeva