Mozambikdə son 48 saat ərzində M çiçəyi virusu hallarında artış yaşandığı bildirilib.

Xalqcebhesi.az xəbər verir ki, Milli Xalq Səhiyyəsi İdarəsinin yayımladığı hesabatda, ölkədə 11 hadisənin qeydə alındığı qeyd olunub. Hesabatda, bu xəstəlik səbəbindən həyatını itirən şəxslərin olmadığı vurğulanıb.

Son 48 saat ərzində hadisələrin artdığı bildirilib, ən çox təsirlənən bölgə isə Niassa olub. Niassada bir neçə saat ərzində 5 yeni hadisə qeydə alınıb.

Niassa vilayətinin qubernatoru Elina Massengele, xəstəliyin yayılmasının qarşısını almaq üçün səylərin artırıldığını bildirib.

Ölkədəki əvvəlki epidemiyada ilk hadisələr 2022-ci ildə paytaxt Maputoda qeydə alınmışdı.

Məryəm Quliyeva