İsrail Qəzza zolağına nəzarət etmək niyyətində deyil, bölgəyə nəzarəti mülki hökumətə verməyi planlaşdırır. Bunu yəhudi dövlətinin baş naziri Benyamin Netanyahu deyib.

Xalqcebhesi.az xəbər verir ki,o bu barədə Fox News telekanalında bildirib.

"Biz Qəzzə Zolağını idarə etmək istəmirik. Bizi təhdid etmədən və Qəzza xalqı üçün yaxşı bir həyat təmin etmədən onu düzgün idarə edəcək ərəb qüvvələrinə təhvil vermək istəyirik", - o deyib.

Baş nazirin sözlərinə görə, İsrail Zolağ üzərində nəzarəti saxlamağı planlaşdırmır, lakin “təhlükəsizlik perimetri”nin təmin edilməsi zərurətini görür. Eyni zamanda Netanyahu qeyd edib ki, bu planların həyata keçirilməsi Fələstinin radikal HƏMAS hərəkatının mövcudluğu ilə mümkün deyil.

N12, bir gün əvvəl Qəzzanı işğal etmək planları barədə məlumat verib.

Mənbənin sözlərinə görə, hərbi əməliyyatlar, o cümlədən radikal Fələstinin HƏMAS hərəkatının israilliləri girov saxladığı ərazilərdə həyata keçiriləcək. Hazırda İsrail Müdafiə Qüvvələri ərazinin təxminən 75%-nə nəzarət edir.

Məryəm Quliyeva