Ukrayna və Rumıniya Moldova Müdafiə Nazirliyinə pilotsuz təyyarənin onların hava məkanını pozması barədə məlumat verib.

Xalqcebhesi.az xəbər verir ki, bu barədə Moldova Nazirliyinin Teleqram kanalında məlumat verilib.

"Ukrayna və Rumıniyadan olan tərəfdaşlarla məlumat mübadiləsi zamanı pilotsuz uçuş aparatının (PUA) milli hava məkanını keçdiyi təsdiqlənib. İHA aşağı uçuş hündürlüyünə görə Moldova hava məkanının monitorinq sistemləri tərəfindən aşkar edilməyib", - məlumatda qeyd olunub.
Onlar qeyd ediblər ki, təyyarə 03:22-03:35 radələrində Lesnaya (Ukrayna) kəndindən təqribən 100 metr yüksəklikdə, Stefan Voda rayonunun Saitsi kəndi istiqamətində uçaraq, Moldova hava məkanını keçib.
Əvvəllər Moldovada PUA-nın qalıqları, eləcə də Ukraynanın hava hücumundan müdafiə raketləri dəfələrlə aşkarlanıb.

Məryəm Quliyeva