Ukraynanın səfiri Yuriy Husyev Əmək və Əhalinin Sosial Müdafiəsi naziri Anar Rəhim oğlu Əliyev ilə məhsuldar görüş keçirib.

Xalqcebhesi.az xəbər verir ki, Səfir Ukraynaya göstərilən dəstək və yardıma görə təşəkkürünü bildirib, həmçinin 2022-ci ildə başlanmış və genişmiqyaslı Rusiya işğalı zamanı yüzlərlə ukraynalı uşağın qonaqpərvər və qardaş Azərbaycanda fiziki və psixoloji sağlamlığını bərpa etməsinə kömək etmiş istirahət və reabilitasiya proqramına görə xüsusi minnətdarlığını ifadə edib.

Tərəflər proqramın 2026-cı ildə davam etdirilməsi və genişləndirilməsini müzakirə ediblər.

Həmçinin, uşaq inklüziv mərkəzlərinin yaradılması üzrə təcrübə mübadiləsi imkanına xüsusi diqqət yetirilib, xüsusilə də Azərbaycanın dəstəyi ilə həyata keçirilməsi planlaşdırılan obyektlərdən birinin bazasında İrpin şəhərində belə mərkəzin yaradılması məsələsi nəzərdən keçirilib.

Görüşün nəticəsi olaraq sosial müdafiə sahəsində sistemli qarşılıqlı fəaliyyət və koordinasiya barədə razılıq əldə olunub.

Cavid