Avropa İttifaqı İrana qarşı iqtisadi təzyiqin göstərilməsi əməliyyatına qoşulur.

Xalqcebhesi.az xəbər verir ki, bu barədə ABŞ-nin maliyyə naziri Skott Bessent bəyan edib.

"Avropa İttifaqı rəsmi olaraq "İqtisadi kənarlanma" əməliyyatına qoşulub və biz onların bu qətiyyətli, vaxtında atılmış mövqeyini yüksək qiymətləndiririk", — deyə Bessent "X" sosial şəbəkəsində yazıb.

O qeyd edib ki, ABŞ müttəfiqləri ilə birlikdə İran rejiminin "öz nüvə ambisiyalarını, silah yaratma proqramlarını və terrorçu proksi-qüvvələrini maliyyələşdirmək üçün qlobal maliyyə sistemindən istifadə etməsinə" imkan verməmək niyyətindədir.

"Dünya İran rejiminə aydın mesaj göndərir: biz qalan bütün maliyyə arteriyalarını kəsənədək dayanmayacağıq", — deyə ABŞ-nin maliyyə naziri əlavə edib.

İran uzun illərdir ABŞ-nin iqtisadi sanksiyaları altındadır, lakin avqust ayında Vaşinqton artıq altıncı aydır davam edən münaqişədə geri çəkilməyə məcbur etmək və ölkəni təcrid etmək məqsədilə "İqtisadi kənarlanma" əməliyyatına başlayıb.

Məryəm Quliyeva