Husi "Ənsar Allah" hərəkatının Səudiyyə Ərəbistanı şəhərlərinə hücumu nəticəsində ən azı 73 nəfər, o cümlədən qadınlar və uşaqlar xəsarət alıb.

Xalqcebhesi.az xəbər verir ki, bu barədə SPA agentliyi Ərəb koalisiyasının rəsmi nümayəndəsi, briqada generalı Türki əl-Malikiyə istinadən məlumat yayıb.

"Əbha, Xamis-Muşayt, Cizan və Nəcran şəhərlərində mülki və iqtisadi obyektlər hücuma məruz qalıb, nəticədə 73 mülki şəxs, o cümlədən qadınlar və uşaqlar yaralanıb", — deyə agentliyin məlumatında bildirilir.

Qeyd olunur ki, koalisiya komandanlığı husilərə qarşı mübarizə üçün "bütün zəruri tədbirləri görəcək".

Məryəm Quliyeva