Britaniya Baş naziri Boris Conson Avropa İttifaqı (Aİ) Şurasının prezidenti Donald Tuskla görüşəcək.
Boris Conson və Donald Tusk arasında görüş avqustun 25-də G7-nin Fransanın Biarritz şəhərində keçiriləcək sammiti çərçivəsində baş tutacaq.
Qeyd edək ki, Britaniya Baş naziri B. Conson ötən gün Aİ Şurasına ünvanladığı məktubda “Brexit” sazişində Şimali İrlandiya sərhədinə aid maddənin ləğvini təklif edib. Boris Conson sözügedən maddəni "anti-demokratik" və "İngiltərənin suverenliyinə zidd" olaraq xarakterizə edib.
"Twitter" hesabından bu məktubla bağlı fikrini bölüşən Avropa İttifaqı Şurasının prezidenti Donald Tusk sazişdəki maddəyə hər hansı bir alternativ tapılanadək bu maddənin etibarlı olduğuna diqqət çəkərək bu maddənin əleyhinə olanlar və həqiqi alternativ təklif etməyənlərin sərhədi yenidən qurmaq istədiklərini bildirib.