ABŞ-da koronavirus infeksiyasını ev şəraitində müəyyənləşdirmək üçün testlərin keçirilməsinə lisenziya verilib. Trend-in məlumatına görə, lisenziyanı ABŞ Səhiyyə və Sosial Xidmətlər Nazirliyinin Ərzaq və Dərman preparatlarının Keyfiyyətinə Nəzarət Xidməti verib. Qeyd olunur ki, özünün koronavirusa yoluxmasından şübhələnən şəxs evi tərk etmədən test keçirə bilər. Daha sonra nəticələr germetik qablaşdırmada müvafiq laboratoriyaya göndərilir. Test sisteminə burundan nümunə götürmək tampon və duz məhlulu daxildir. Lisenziyanı alan “LabCorp” şirkəti yaxın zamanlarda bir çox ştatda test sistemlərini tədarük edəcək.