Eyfel qülləsi 3 aylıq fasilədən sonra turistlər üçün açılıb Dünya

Eyfel qülləsi 3 aylıq fasilədən sonra turistlər üçün açılıb

Fransanın paytaxtı Parisdə Eyfel qülləsi koronavirus pandemiyasından sonra turistlər üçün açılıb.
Parisin əsas turizm obyekti olan qüllə martın 13-dən bağlanmışdı.
Eyfel qülləsinə qalxmaq üçün maska taxmaq məcburi olacaq. Bundan başqa, liftlər təhlükəsizlik məqsədilə bağlı qaldığı üçün qonaqlar pilləkənlərdən istifadə etməli olacaq.
Müşahidə məntəqəsinə çıxmaq üçün 674 pillə qət etmək lazımdır. Rəhbərlik bu mərtəbəyə çıxmaq üçün 20-30 dəqiqə vaxt gedəcəyini bildirib.