Son sutkada Qırğızıstanda COVID-19 koronavirusuna yoluxanların və ölənlərin sayı kəskin şəkildə artıb. Belə ki, son gündə virusa 1264 nəfər yoluxub, onlardan 506-sı Bişkekdə qeydə alınıb. Virusa yeni tutulanların 70-i tibb işçisidir.

AZƏRTAC Qırğızıstan Koronavirusla Mübarizə üzrə Respublika Qərargahının mətbuat xidmətinə istinadla xəbər verir ki, son gündə ölkədə bu virusdan 73 xəstə dünyasını dəyişib, koronavirusdan ölənlərin sayı 858 nəfərə çatıb.

Pandemiya dövründə virusa yoluxanların sayı isə 25 min 47 nəfər olub.