Cənubi Koreyanın Ali Məhkəməsi sabiq prezident Pak Kın Henin 20 il müddətinə azadlıqdan məhrum edilməsi ilə bağlı hökmü qüvvədə saxlayıb.

APA-nın xəbərinə görə, bu barədə ölkənin KBS Televiziya və Radio Şirkəti məlumat yayıb.

Pak Kın He 2017-ci ilin martında impiçment edilib. 2018-ci ilin iyul ayında birinci instansiya məhkəməsi keçmiş prezidentə rüşvət ittihamı ilə 15 il, vəzifə səlahiyyətlərindən sui-istifadə ittihamı ilə 5 il həbs cəzası verib. Bundan əlavə, sabiq prezidentə 18 milyard von (16 milyon dollar) pul cəzası kəsilib.