Bütöv Azərbaycan Xalq Cəbhəsi Partiyasının (BAXCP) sədri, millət vəkili Qüdrət Həsənquliyev Ukraynanın Azərbaycandakı səfiri Vladislav Kanevskiyə Tehran yaxınlığında baş verən təyyarə qəzası ilə bağlı başsağlığı məktubu ünvanlayıb. Məktubda deyilir:
“Hörmətli cənab Səfir,
“Tehran şəhərinin yaxınlığında Ukrayna Beynəlxalq Hava Yollarına məxsus təyyarənin qəzaya uğraması nəticəsində 176 nəfərin həlak olması ilə bağlı xəbər məni dərindən kədərləndirdi. Qəzada həyatını itirmiş şəxslərin doğmalarına, Sizə və Ukrayna vətəndaşlarına dərin hüznlə başsağlığı verirəm.
Allah rəhmət eləsin”.