İranda sünni din xadimi edam edilib Güney Azərbaycan

İranda sünni din xadimi edam edilib

Bununlada son bir ayda Sistan və Bəluçistan əyalətində 13-cü edam hökmü həyata keçirilib.

İnsan haqları təşkilatlarının verdiyi xəbərə görə, yanvar ayının 20-də, Zahidan şəhərinin mərkəzi həbsxanasında “Hafiz Əbdülsəttar” kimi tanınan sünni din xadimi “Yunis Xanşini” edam edilib.

“Bəluç Fəalları Kampaniyası”nın yazdığına görə, “Xaş” şəhərindən olan Hafiz Əbdülsəttar 8 il öncə qətl hadisəsində günahlandırılıb. Onlar din xadiminin günahsız olduğunu, qətli Əbdülsəttarla münasibətdə olan başqa şəxslərin törətdiyini və günahkarların qaçdığına görə sünni din xadiminin təhlükəsizlik məmurları tərəfindən saxlanıldığını bildiriblər.

Son vaxtlar Sistan və Bəluçistan əyalətində edam halları artıb. Edam olunanlardan bir neçəsi sünni din xadimləridir. Bir neçə gün öncə daha iki sünni din xadimi “Məhəmməd Əmin Bəluç Zehi” və “Əbdülrəhim Kuhi” edam hökmlərinin icrasına hazırlıq üçün Zahidan həbsxanasının karantin bəndinə köçürülüblər.

Bəluç insan haqları fəallarının yazdığına görə, onların edamı müvəqqəti olaraq dayandırılsa da, məhkəmə və təhlükəsizlik məsulları edam hökmünün ləğv olunması üçün din xadimlərinin xaricdə olan iki yaxın qohumunun təhvil verilməsi şərtini irəli sürüblər.

İnsan haqları müdafiəçiləri bu hərəkəti Pakistanda olan İran hökumətinə müxalif şəxslərin geri qaytarılması üçün təhlükəsizlik məmurlarının günahsız insanları girov götürməsi kimi dəyərləndirirlər.

Gunaz.tvQuote | Gunaz article