Rusiya Qara dəniz donanmasının dəniz aviasiyası qoşunların qəfil döyüş hazırlığının yoxlanılması tədbirləri ilə əlaqədar Qara və Xəzər dənizi hövzələrində kəşfiyyat uçuşları aparır.

Bu barədə Rusiya Müdafiə Nazirliyi məlumat yayıb.

"Qara dənizdə hərbi təyyarələr şərti düşmənin sualtı qayıqlarının axtarışı, izlənməsi və onun su üzərinə çıxmasına məcbur edilməsinə dair tapşırıqları həyata keçirib. Təlimlərdə Şimal donanmasının dəniz aviasiyasına məxsus "İl-38" və "Tu-142" təyyarələri iştirak edir. Təlim çərçivəsində təyyarələr Cənub Hərbi dairəsinin aerodromlarında dislokasiya olub", - deyə məlumatda bildirilir.

Ümumilikdə axtarış tədbirlərində 30-dan çox təyyarə iştirak edir. Onlar 3 min kilometrdən artıq məsafə uçublar.