İran İraqdan intiqam alır Dünya

İran İraqdan intiqam alır

İran davamlı olaraq İraqın təbii sərvətlərini istismar edir.
Bu barədə "Bağdad Post" qəzetində yayımlanmış bir araşdırmada bildirilib.
"İraq 1980-1988-ci illərdə yaşanan müharibədə İranı böyük itkilərə məruz qoydu, uğursuzluğa düçar etdi. Hazırda rəsmi Tehran o savaşda verdiyi itkilərin intiqamını almağa çalışır. İran həmişə iraqlılara zərər vermək istəyən bir qonşu olub. Bu ölkə İraqı parçalayıb özünə götürmək üçün hər cür yola əl atır", - araşdırma yazısında deyilir.
Yazıda həmçinin qeyd olunur ki, İraq BMT-dən müşahidəçi tələb edərək, araşdırma başlatmalıdır:
"Müşahidəçi təyin olunsa, dünyada böyük xaos yaranacaq və İranın İraqın pullarını necə mənimsədiyini görən hər kəs şoka düşəcək".
Müəllif İranın Amerikanın İraqda apardığı müharibə zamanı Bağdada məxsus xeyli silah-sursatı oğurladığını yazıb.