Şoyqu: "Pentaqon Rusiya sərhədləri yaxınlığında hərbi əməliyyatlar keçirməyi planlaşdırır"
Rəsmi Moskva Pentaqon rəhbəri Çak Heygelin Rusiya Silahlı Qüvvələri ilə bağlı söylədiyi fikirlərə münasibət bildirib. Rusiya müdafiə naziri Sergey Şoyqu bildirib ki, Pentaqon rəhbərinin ABŞ-ın müasir və yüksək döyüş hazırlığına malik Rusiya Silahlı Qüvvələri ilə münaqişəyə hazır olması barədə bəyanatı rəsmi Moskvanı narahat edir.
"Mən Çak Heygellə şəxsən tanışam. Onun bu bəyənatı ABŞ ordusunun gündəlik konfranslarında Rusiya ordusu barədə səsləndirdiyi fikirlərdən deyil. Heygelin bəyanatı ondan xəbər verir ki, Pentaqon Rusiya sərhədləri yaxınlığında hərbi əməliyyatlar keçirməyi planlaşdırır", deyə Şoyqu bildirib.
Nazir onu da bildirib ki, ABŞ ordusunun olduğu ərazilərdə hazırda qanlı münaqişələr gedir.