“İnsanın təbiətdən asılılığı o qədər də yaxşı göstərici deyil”. Bunu xalqcebhesi.az-a açqılamasında ekoloq Ənvər Əliyev söyləyib. O əlavə edib ki, biz hələ ki təbiətin şıltaqlığına, təbii coğrafi mühitin qanunauyğunluqlarının nisbətən pis variantına o qədər də hazır deyilik: “Quraqlıq olan kimi təsərrüfat sistemimiz ziyana düşür. Amma əslində belə olmalı deyil. Biz əgər kənd təsərrüfat sistemimizi düzgün qursaq quraqlığın fəsadlarının qarşısını ala bilərik”.
Ekoloq onu da deyib ki, bizim təsərrüfat, melorasiya sistemimiz fəsadlara o qədər də uyğunlaşmayıb: “Nəticəsi də odur ki, külli miqdarda su məsrəf olunur. Ona görə də bizim su təsərrüfat sistemimizi yenidən qurmaq vacibdir”.