İƏT Ombudsmanlar Assosiasiyasının nümayəndə heyəti Tərtərə səfər edib -FOTO Hadisə

İƏT Ombudsmanlar Assosiasiyasının nümayəndə heyəti Tərtərə səfər edib -FOTO

İƏT Ombudsmanlar Assosiasiyasının nümayəndə heyəti faktaraşdırıcı missiyanın davamı olaraq Tərtər şəhərinə səfər edib.

Trend-in Qarabağ bürosu xəbər verir ki, Azərbaycan Ombudsmanı Səbinə Əliyeva ilə birgə səfər edən nümayəndə heyətini Tərtər şəhərində rayonun icra başçısı Müstəqim Məmmədov qarşılayıb.

İcra başçısı 44 günlük Vətən müharibəsi ərzində ermənilərin rayon ərazisinə 16 mindən çox mərmi atdığını və bunlardan 21-nin qadağan olunmuş raket olduğunu qonaqların diqqətinə çatdırıb.

Onun sözlərinə görə, müharibə dövründə rayonda əhali arasında 16 mülki vətəndaş həlak olub. Onlarla insan yaralanıb. Dağılan evlər Prezident İlham Əliyevin tapşırığı ilə qısa müddətdə bərpa olunub.

Xatırladaq ki, İƏT Ombudsmanlar Assosiasiyasının nümayəndə heyəti bundan öndə Ağdamda faktaraşdırıcı missiya həyata keçirib.