Türkiyə prezidenti Rəcəb Tayyib Ərdoğan ümid edir ki, Azərbaycan və Ermənistan arasında sülh prosesində konstruktiv addımlar uzunmüddətli sülh sazişinin imzalanmasına gətirib çıxaracaq.

Xalqcebhesi.az xəbər verir ki, bu barədə Türkiyə liderinin noyabrın 8-də ölkəsinin qeyd edəcəyi Qarabağ müharibəsində Qələbənin ildönümü ilə bağlı Azərbaycan Prezidenti İlham Əliyevə ünvanladığı müraciətdə deyilir.

“Ümid edirəm ki, bu şanlı qələbədən sonra sülh prosesi çərçivəsində atılan konstruktiv addımlar uzunmüddətli razılaşmaya gətirib çıxaracaq”, - deyib.

Məktubun mətni Azərbaycan dövlət başçısının saytında dərc olunub.

Ərdoğan “Qafqazda sülh və sabit mühitin bütün regionun rifahına xidmət edəcəyinə və Qafqazın qlobal siyasətdə strateji əhəmiyyətini daha da artıracağına” əminliyini ifadə edib.

Məryəm Quliyeva