İran hakimiyyəti Vaşinqton Tehrana qarşı bütün sanksiyaları ləğv edərsə, ölkədə mövcud olan 60 faiz zənginləşdirilmiş uran ehtiyatlarının zənginləşdirmə səviyyəsini azaltmağa hazırdır.

Xalqcebhesi.az xəbər verir ki, bu barədə İranın vitse-prezidenti və İslam Respublikasının Atom Enerjisi Təşkilatının (İAET) rəhbəri Məhəmməd Eslami bildirib.

“Bu məsələ onların cavab olaraq bütün sanksiyaları ləğv edib-etməyəcəyindən asılıdır”, — deyə Tasnim agentliyi Eslaminin jurnalistin sualına cavabını sitat gətirib.

Vitse-prezident həmçinin qeyd edib ki, Omanda keçirilən danışıqlarda İranın yüksək zənginləşdirilmiş uranının üçüncü ölkələrə çıxarılması məsələsi qaldırılmayıb.

“Danışıqlarda bu məsələ müzakirə olunmayıb”, — deyə o vurğulayıb.

Məryəm Quliyeva