ABŞ Azərbaycanın regionun enerji təhlükəsizliyinə verdiyi töhfəni təqdir edir.

Bunu Bakı Enerji Həftəsinin açılışında ABŞ dövlət katibinin enerji resursları bürosu üzrə köməkçisi Ceffri Payett deyib.

“ABŞ və Azərbaycan uzunmüddətli əməkdaşlıqdan həzz alır. ABŞ Cənubi Qafqazda stabilliyə, ölkələrin suverenliyinə və müstəqilliyinə dəstəyinə sadiq qalır”, - o qeyd edib.

Ceffri Payett vurğulayıb ki, ABŞ Azərbaycanın Ukraynanın suverenliyinə və ərazi bütövlüyünə dəstəyini yüksək qiymətləndirir.

“Azərbaycanın regionun enerji təhlükəsizliyinə verdiyi töhfəni təqdir edirik”, - o deyib.

ABŞ rəsmisi daha sonra Prezident Co Baydenin tədbir iştirakçılarına müraciətini oxuyub.