Bu ilin 1-ci rübündə dövlət büdcəsinin sosialyönlü xərcləri (büdcə xərclərinin əməyin ödənişi fondu, ərzaq məhsullarının alınması, təqaüd və sosial müavinətlər, dərman, sarğı ləvazimatları və materiallarının alınması, icbari tibbi sığorta üzrə xərclər) 3,8 milyard manat təşkil edib.

Xalqcebhesi.az xəbər verir ki, bu barədə Maliyyə Nazirliyi məlumat yayıb.

Məlumata görə, bu, faktiki xərclərin 46,3 faizinə (ötən ilin eyni dövrü ilə müqayisədə 1,3 faiz-bənd çox) bərabərdir.

Qeyd edək ki, bu ilin birinci rübündə dövlət büdcəsinin gəlirləri 9,733 milyard manat, xərcləri 8,115 milyard manat olub.

Məlumata görə, 1,618 milyard manat məbləğində dövlət büdcəsinin artıqlığı (profisit) yaranıb.

Bu ilin yanvar-mart aylarında icmal büdcənin gəlirləri 10,744 milyard manat, xərcləri isə 9,061 milyard manat icra olunub.

İcmal büdcədə 1,683 milyard manat büdcə artıqlığı (profisit) yaranıb.