Azərbaycanın regionda rolu enerji ehtiyatlarının tədarükü baxımından həlledici əhəmiyyət daşıyır.

Bunu Trend-ə ABŞ-ın Türkmənistandakı sabiq səfiri Alan Mastard “Qlobal dünya nizamına təhdidlər” mövzusuna həsr olunan IX Qlobal Bakı Forumu zamanı deyib.

"Azərbaycanın bərpa olunan enerji mənbələrinə keçməsi, SOCAR-ın günəş və küklək enerjisi layihələrininin təşviqini elan etməsi zamanla qazıntı yanacağına tələbatın azalacağını göstərir", - deyə o bildirib.

Onun sözlərinə görə, növbəti 20-30 il ərzində bərpa olunan mənbələrdən elektrik enerjisi istehsalına keçiddə Azərbaycan həlledici əhəmiyyət daşıyacaq.

"Azərbaycan Avropa üçün Cənub Qaz Dəhlizi ilə Xəzər regionundan enerji ehtiyatları tədarükü mənbəyidir", - A.Mastard deyib.

Keçmiş səfir əlavə edib ki, Azərbaycan və Türkmənistanın birgə enerji layihələrində daha sıx əməkdaşlıq üçün potensialı var.

"Biz istərdik ki, Türkmənistan qazı təkcə Çin və Rusiyaya deyil, həm də Avropa bazarlarına daxil olsun", - o deyib.