“Məhz Ərdoğanın prezidentliyi dönəmində, Cümhur İttifaqının mövcudluğu ortamında Türkiyə-Azərbaycan qardaşlıq, dostluq, qonşuluq, strateji tərəfdaşlıq diqqəti daha da artdı, yüksək zirvəyə çatdı”. Bunu xalqcəbhəsi.az-a açıqlamasında Beynəlxalq "Alaş" Ədəbiyyat mükafatı laureate Əkbər Qoşalı deyib. Ə.Qoşalı bildirib ki, bu zirvə 15 iyun 2021-ci ildə "Şuşa Bəyannaməsi" ilə taclandırıldı: “44 günlük müharibədə Ərdoğanın, onun hökumətinin, bütövlükdə türk dövləti və xalqının bizim haqq işimizə verdiyi əvəzsiz mənəvi, siyasi-diplomatik dəstək unudulmazdır. Biz bir qədirbilən xalq kimi bu əvəzsiz dəstəyi dərindən idrak edir, dəyərləndiririk”.