Ciddə şəhərində ABŞ dövlət katibi Entoni Blinken ilə Səudiyyə Ərəbistanının vəliəhdi Məhəmməd bin Salman Əl Səud arasında görüş keçirilib.

Trend xəbər verir ki, bu barədə ABŞ Dövlət Departamentinin mətbuat katibi Metyu Miller məlumat verib.

Onun sözlərinə görə, tərəflər iki ölkə arasında iqtisadi əməkdaşlığın dərinləşdirilməsini müzakirə ediblər. Görüş zamanı dövlət katibi ikitərəfli münasibətlərin möhkəmlənməsinə töhfə verən insan hüquqları sahəsində irəliləyişlərin vacibliyini vurğulayıb. Tərəflər həmçinin təmiz enerji və texnologiyalar sahəsində əməkdaşlığı da nəzərdən keçiriblər.

Görüş zamanı Sudan və Yəməndəki vəziyyət, regionda terrorizmlə mübarizə ilə bağlı məsələlər ətrafında fikir mübadiləsi aparılır.