Azərbaycanla Ermənistan arasında aparılan ikitərəfli danışıqlar sülh prosesində mühüm nəticələr verir.

Bunu xarici işlər naziri Ceyhun Bayramov Bakıda İsveçrə Konfederasiyasının federal xarici işlər naziri, ATƏT-in fəaliyyətdə olan sədri İqnatsio Kassis ilə birgə mətbuat konfransında deyib.

Nazir qeyd edib ki, hazırda iki ölkə arasında de-fakto sülh şəraiti formalaşıb və etimadın möhkəmləndirilməsi istiqamətində addımlar atılır.

"Bu gün əminliklə qeyd edə bilərik ki, ikitərəfli format sülh gündəliyinin irəli aparılmasında öz effektivliyini sübut edib. Əldə olunan nəticələr bunu bir daha təsdiqləyir", – Ceyhun Bayramov bildirib.

Nazirin sözlərinə görə, bundan sonra da sülh gündəliyinin məhz birbaşa dialoq yolu ilə irəlilədilməsi vacibdir.