Prezident Aparatının yüksək vəzifəli rəsmisi K. Budanov bəyan etdi ki, V. Zelenskinin "uzaqmənzilli sanksiyalar" vasitəsilə Rusiyanı sülhə məcbur etmək məqsədilə elan etdiyi 40 günlük müddət uzadılacaq. Bununla demək istənilən fikir bu idi: son tarixlərə ilişib qalmayın; əsas olan nəticədir. Beləliklə, bu günə olan nəticə nədir? Düşmən çökürmü? Kaş ki, vəziyyət belə olaydı. Lakin reallıq heç də ürəkaçan deyil.

Bunu xalqcebhesi.az-a Ukrayna Radasının sabiq deputatı Artur Bilous deyib.

"Aqrar siyasət naziri Visotski bəyan edib ki, Odessa limanında yük əməliyyatlarının dayandırılması səbəbindən Ukrayna aclıq təhlükəsi ilə üz-üzədir; bu vəziyyət düşmənin hava zərbələri və xarici gəmilərin limana daxil olmaqdan imtina etməsi nəticəsində yaranıb. Düzünü desəm, bunun məhz niyə aclığa səbəb olacağını anlamıram. Axı kənd təsərrüfatı məhsullarının bir hissəsi digər marşrutlarla ixrac ediləcək, digər hissəsi isə daxili bazarda satılacaq – hətta yaranan artıqlıq səbəbindən qiymətlərin aşağı düşməsi də mümkündür" - o, deyib .

O, bildirib ki, hökumətyönümlü bütün informasiya vasitələrində bizi dözülməz bir qış vədi ilə qorxudurlar. Halbuki belə bir qayda var: hamı nədənsə danışanda o şey baş vermir – və əksinə:

"Xoşbəxtlikdən, Zelenskinin özü "güc yolu ilə sülh" kimi köhnə taktikanı təkrarlamaq məsələsində tabeliyindəki "döyüşçülərə" qoşulmadı. Əvəzində o, V. Putinə həm cəbhə xəttində atəşkəs, həm də hava məkanında sülh rejimi təklif etdi.

Təəssüf ki, Kreml hələ bunu istəmir. Lakin yolu yalnız onu addımlayan qət edir. Əsas məsələ — nə lovğalığa, nə də ruh düşkünlüyünə qapılmadan — düzgün yolla irəliləməkdir".

Cavid