“Bu günlər ərzində Ermənistan hakimiyyətinin davranışı olduqca narahatlıqvericidir. Bizim regionumuz hər zaman ciddilik tələb edir, xüsusilə də böhran vəziyyətlərində”.
Bunu Ermənistan Respublikaçılar partiyasının sədr müavini Armen Aşotyan öz “Facebook” səhifəsində yazıb.
O qeyd edib ki, ABŞ-İran münaqişəsinin növbəti gərginləşməsi keçdi və konflikt deyəsən hansısa bir müddətə xroniki mərhələyə qədəm qoyub.
“Ermənistan düzgün nəticələr çıxarmaq üçün yaranmış fasilədən maksimal yararlanmalıdır. Dağa çıxmaqla, yaxud batiskafla Sevan (Göyçə gölü – red.) sahilinə növbəti dəfə enməklə milli maraqlarımızı və regional mövqeyimizi qorumaq olmaz.
Ermənistanın diplomatik avtomobili gözlənilən yüksəklikdə olmadı. Hətta bənzər vəziyyətlərdə belə Paşinyan xarici gərginlik oxlarının bir hissəsini daxili siyasətə yönəltmək və siyasi rəqiblərə təzyiqləri artırmaqdan çəkinmir. “Diana-şou” bunun ən parlaq sübutu idi”, - deyə Aşotyan bildirib.