Böyük Britaniya Baş nazirinin ticarət elçisi Baronessa Nikolson Cənub Qaz Dəhlizi (CQD) Məşvərət Şurası çərçivəsində nazirlərin VII iclasında iştirak edib.

APA-nın xəbərinə görə, bu barədə B. Nikolson “Twitter”də bildirib.

“Bu gün Cənub Qaz Dəhlizi Məşvərət Şurasında çıxış etməkdən məmnunam. Britaniyanın Cənub Qaz Dəhlizinə töhfəsi, layihənin enerjinin şaxələndirilməsi və təhlükəsizliyindəki rolu qürurvericidir. Strateji enerji əməkdaşımız olan Azərbaycanı bu uğur münasibətilə təbrik edirəm!”, - deyə ticarət elçisi qeyd edib.