Ətraf Mühiti Qoruma Baş İdarəsinin yayınladığı bilgidə bu gün fevral ayının 4-də Təbriz şəhərinin hava keyfiyyəti göstəricisinin 152 olduğunu, bunun bütün yaş qrupları üçün təhlükə doğurduğunu bildirib.

Bu dünəndən şəhərin havasında mikron zərrəciklərinin artması nəticəsində baş verib.

Təbrizin “azaranjoman” saytının verdiyi xəbərə görə, səhiyyə mütəxəssisləri əhaliyə mümkün qədər açıq havada olmamağı tövsiyə ediblər.

Təbrizdə uzun müddətdir davam edən hava kirliliyinin təhlükəli səviyyədə olması Təbrizin Elektrik İstansiyasında mazotdan istifadə nəticəsində baş verib. ətraf mühit fəalları və vətəndaşların etirazlarına baxmayaraq bu hələdə davam edir.

Xatırladaq ki, havanın keyfiyyət göstəriciləri: 0-dan 50-ə qədər təmiz, 50-dən 100-ə qədər sağlıqlı, 100-dən 150-ə qədər qeyrı-sağlam və 150-dən 200-ə qədər isə bütün yaş qrupları üçün qeyri-sağlam və təhlükəli sayılır.

Gunaz.tv