Şimali Koreyada dördüncü gün ərzində qızdırma əlamətləri olan xəstələrin sayının gündəlik artımı 100 min nəfərdən azdır.

Bu barədə "Yonhap" agentliyi Koreya Mərkəzi Teleqraf Agentliyinə istinadən xəbər verib.

Məlumata əsasən, son 24 saat ərzində ölkədə 82 160 belə hal aşkar edilib.
Koronavirusun yayılması fonunda aprelin sonundan bəri qızdırmalı xəstələrin ümumi sayı 3,91 milyon nəfəri ötüb. Onlardan 3,7 milyondan çoxu sağalıb, daha 153 mini müalicə olunur.