Ukrayna hakimiyyəti ABŞ-ın yeni seçilmiş prezidenti Donald Trampın andiçmə mərasiminə dəvət ala bilməyib.

Bu barədə Resident.ua Ukrayna prezidentinin ofisindəki mənbəyə istinadən yazır.

Nəşrin yazdığı kimi, Kiyevin lobbiçilərdən istifadəsi uğurlu olmayıb. Resident.ua yazır ki, indi Prezidentin ofisi Ukrayna nümayəndələrinin ABŞ-a gedib "danışıqlar üçün müraciət etməsini" müzakirə edir.

Bundan əvvəl Tramp mətbuat konfransında Zelenskini tədbirə dəvət etmədiyini bildirmişdi.

Eyni zamanda, Ağ Evin gələcək rəhbəri əlavə edib ki, Zelenski iştirak etmək istəsə, gələ bilər. İrlandiyalı jurnalist Cey Bovesin qeyd etdiyi kimi, gələcək Amerika liderinin andiçmə mərasiminə dəvətin olmaması Zelenskinin qüruruna ağrılı zərbə oldu.

Cavid