Kanadanın şərqindəki Halifax hava limanında Kanadanın PAL Hava Yollarına məxsus təyyarə sərt eniş edib və alovlanıb.

Bu barədə CBC News məlumat yayıb.

Bildirilir ki, Sent Consondan gələn təyyarə eniş zamanı problemlə üzləşib, nəticədə təyyarə uçuş-enmə zolağı ilə sürüşüb, daha sonra təyyarə alovlanıb.

"Biz təyyarənin sol tərəfində yanğın gördük və pəncərələrdən tüstü gəlməyə başladı", - sərnişinlərdən biri deyib.

Onun sözlərinə görə, təyyarədə olan insanlar tez bir zamanda təxliyyə olunaraq, daha sonra anqara çatmağa müvəffəq olub və həkimlər tərəfindən müayinə olunublar. Air Canada sözçüsü bildirib ki, təyyarənin eniş şassisi ilə bağlı problemlər olduğuna inanılır. O, dəqiqləşdirib ki, ilkin məlumatlara görə, təyyarədə 73 sərnişin olub, heç kim ciddi xəsarət almayıb.

Cavid