Coğrafi obyektlərin adının dəyişdirilməsi hər hansı bir dövlətin səlahiyyətinə aid deyil, belə məsələlərlə bağlı konfransların keçirilməsi və adların standartlaşdırılması praktikası mövcuddur.

Bunu jurnalistlər üçün keçirdiyi brifinqdə BMT baş katibinin daimi nümayəndəsinin müavini Farhan Haq dünya təşkilatının ABŞ prezidenti Donald Trampın Meksika körfəzinin adının dəyişdirilməsi ilə bağlı sərəncamına reaksiyası ilə bağlı sualı cavablandırarkən deyib.

“Hesab edirəm ki, coğrafi obyektlərə adların verilməsi üçün müxtəlif konvensiyalar praktikası özünü yaxşı tərəfdən sübut edib və bu məsələ heç bir konkret dövlətin səlahiyyətinə aid deyil”, - Haq qeyd edib.