Türkiyənin daxili işlər naziri Əli Yerlikaya 11 vilayətdə mütəşəkkil cinayətkar qruplaşma üzvlərinə qarşı əməliyyat keçirildiyini açıqlayıb.

Aydın mərkəzli Hatay, İstanbul, Bursa, Diyarbəkir, Mardin, Muğla, Antalya, İzmir, Niğde və Sinopda keçirilən əməliyyatlarda saxlanılan şübhəlilər haqqında prokurorlar araşdırmalara başlayıb. Şübhəlilər cinayət təşkilatı yaratmaqda, informasiya sistemlərindən istifadə etməklə dələduzluqda və cinayət yolu ilə əldə edilmiş əmlakın yuyulmasında ittiham olunurlar.

Əməliyyatlarda 35 şübhəli ələ keçirilib. Şübhəlilərdən 33-ü həbs edilib, biri məhkəmə nəzarətinə verilib, digərinin barəsində isə hazırda istintaq aparılır.