İsveç hökuməti Ukraynaya 1,1 milyard kron (təxminən 100 milyon dollar) məbləğində yeni yardım paketi təqdim edib.

APA xəbər verir ki, bu barədə “Sweden Herald” İşveç hökumətin mətbuat xidmətinə istinadən məlumat yayıb.

İsveçin beynəlxalq inkişaf əməkdaşlığı naziri Benjamin Dousanın bildirdiyinə görə, ayırılan vəsaitlər əsasən ölkənin qış dövründə enerji ehtiyaclarını ödəməyə kömək etmək və dövlət xidmətlərini göstərmək qabiliyyətini gücləndirmək üçün istifadə olunacaq.

Nazirin sözlərinə görə, Rusiya mülki infrastruktur obyektlərinə hücumlarını gücləndirdikcə bir çox ukraynalılar işıq, isitmə və susuz qalmaq riski ilə üzləşir.

“Son həftələrdə bu hücumlar daha da artıb. İndi temperaturlar düşməyə başlayarkən, bu, 2022-ci ildən bəri ən ağır qışa çevrilmə riski yaradır,” - Dousa bildirib.