Ukrayna prezidenti Vladimir Zelenski Putinə inanmır.

Bunu xalqcebhesi.az-a Ukrayna Milli Strateji Araşdırmalar İnstitutunun direktor müavini, iqtisad elmləri doktoru, politoloq Vyaçeslav Potapenko deyib.

"Ukrayna mediasında rəylərin təhlili iki qrup rəyi ortaya qoyur: təhlükəsizliyin təmin edilməsinə inamsızlıq və qeyri-bərabər imic şəraiti. Hamıya məlumdur ki, rəqibin iqamətgahına baş çəkmək – istər biznesdə, istər futbolda, istərsə də müharibədə – açıq şəkildə danışıqlar üçün özünü daha pis vəziyyətə salır" - o, deyib.

Xatırladaq ki, Rusiya prezidentinin köməkçisi Yuri Uşakovun sözlərinə görə Vladimir Putin jurnalistlərlə söhbətində dəfələrlə bəyan edib ki, əgər Zelenski həqiqətən də görüşə hazırdırsa, Moskva onu qəbul etməyə hazırdır və onun təhlükəsizliyi, eləcə də danışıqlar üçün lazımi şərait tam təmin olunacaq.

Cavid