İsrailin Baş naziri Binyamin Netanyahu iyulun 28-də ABŞ Prezidenti Donald Trampla görüşündə amerikalı liderə İranın hərbi potensialını guya bərpa etdiyini və sürətləndirilmiş tempdə nüvə bombası yaratmağa can atdığını sübut edən yenilənmiş kəşfiyyat məlumatlarını təqdim etmək niyyətindədir.

Xalqcebhesi.az xəbər verir ki, bu barədə "N12" telekanalı məlumat verib.

Telekanalın məlumatına görə, Netanyahu Trampı regiondakı son hadisələrin güya İranın danışıqlar zamanı insafsızlığını, həmçinin Tehranın nüvə proqramını inkişaf etdirməyə, raket və pilotsuz uçuş aparatları sistemlərini modernləşdirməyə davam etdiyini sübut etdiyinə inandırmaq niyyətindədir. Telekanal qeyd edir ki, Netanyahunun məqsədi Trampı təhlükənin ciddiliyinə inandırmaqdır, lakin eyni zamanda ABŞ-ni birbaşa hərbi münaqişəyə çəkməyə və müharibəyə təhrik etməyə çalışan tərəf kimi görünməməkdir.

Bununla belə, "N12" iddia edir ki, son aylarda Amerika administrasiyasında Netanyahunun bəyanatlarına münasibət dəyişib. Vaşinqtondakı mənbələr telekanala bildiriblər ki, Amerika tərəfi görüşdə "təkcə İran məsələsində deyil, Netanyahunun dediyi hər şeyə böyük şübhə ilə yanaşmaq niyyətindədir". Məlumata görə, Trampın yaxın əhatəsində belə bir rəy var ki, Netanyahu İranla müharibəyə dair Vaşinqtona vəd etdiyi hər şeydə səhv edib.

"N12"nin məlumatına görə, Netanyahunun Trampın qərarlarına və ümumilikdə Amerika administrasiyasına təsiri son həftələrdə "əhəmiyyətli dərəcədə azalıb". Telekanal göstərir ki, Türkiyə ilə "F-35" qırıcıları üzrə saziş, Səudiyyə Ərəbistanı ilə İsrailin az məlumatlı olduğu nüvə sazişi və İranla praktiki olaraq İsrailin iştirakı olmadan imzalanmış anlaşma memorandumu buna dolayısı sübutdur.

"N12"nin məlumatına əsasən, Tramp və Netanyahunun Vaşinqtondakı görüşü saat 19:00-a planlaşdırılıb. Bu, Trampın Ağ Evə qayıdışından sonra səkkizinci görüş olacaq. "N12" iddia edir ki, görüş zamanı Netanyahu Trampın İsrail qoşunlarının Livanın cənubundakı və Suriyadakı əlavə rayonlardan çıxarılması ilə bağlı daha əvvəl səsləndirdiyi tələbinə cavab olaraq imtina etmək niyyətindədir və imtinasını qoşunların təhlükəsizlik zonalarından çıxarılmasının dərhal İsrailin şimal sakinlərinizi təhlükəyə məruz qoyacağı ilə əsaslandıracaq.

Məryəm Quliyeva