Pentaqon "Lockheed Martin" və "Northrop Grumman" korporasiyaları ilə "Patriot" və "THAAD" hava hücumundan müdafiə sistemləri üçün sursat istehsalı güclərinin artırılmasına yönəlmiş 3 milyard dollardan çox dəyərində sazişlər bağlayıb.

Xalqcebhesi.az xəbər verir ki, bu barədə ABŞ hərbi idarəsinin və "Northrop Grumman"ın bəyanatlarında bildirilir.

Pentaqon qeyd edib ki, "iki çərçivə sazişi" "zərərsizləşdirici raketlər üçün vacib komponentlərin buraxılışı üzrə istehsal güclərinin artırılmasına" yönəlib. Nazirlikdən vurğulayıblar ki, bu, perspektivdə "Patriot" üçün PAC-3 raketlərinin istehsal həcmini üç dəfə, "THAAD" sistemləri üçün isə dörd dəfə artırmağa kömək edəcək.

"Northrop Grumman" dəqiqləşdirib ki, "dəyəri 3 milyard dollardan çox olan iki çoxillik çərçivə sazişi imzalanıb". Bu məbləğdən 2 milyard dollar PAC-3 üçün mühərriklərin və digər sistemlərin istehsalına, 1 milyard dollar isə yeddi il ərzində "THAAD" komponentlərinin istehsal həcminin artırılmasına yönəldiləcək.

İyulun sonunda Pentaqon "Lockheed Martin" şirkəti ilə "Patriot" üçün sursatların istehsalı və tədarükünə dair yeddi illik müqavilənin məbləğini 58,6 milyard dollara qədər artırdığını bildirmişdi.

Məryəm Quliyeva