Türkiyədə "parallel hökumət"ə qarşı həbs əməliyyatları başlayıb. Dünən səhər saatlarında başlayan əməliyyatlarda xeyli sayda polis əməkdaşı saxlanılıb. Saxlanılanlar arasında yüksək rütbəli zabitlər də var. Saxlanılan polislərin əksəriyyəti ötən ilin dekabrında həyat keçirilən rüşvət və korrupsiya əməliyyatlarına rəhbərlik edənlərdir.
Saxlanılan şəxslər şəxsi həyatın gizliliyinə müdaxilə etmək, mənzil toxunulmazlığını pozmaq, cəsusluq, qanunsuz dinləmə, rəsmi sənədlərdə saxtakarlığa yol vermək, istintaqın gizliliyini pozmaqda ittiham edilirlər. İlkin məlumatlara görə əməliyytalarda 55 nəfər saxlanılıb. Bu sayın artacağı gözlənilir. Çünki saxlanılan şəxslərin siyahısında 134 nəfərin olduğu bildirilir.
Saxlanılan polis əməkdaşları arasında Terrorla Mübarizə Şöbəsinin keçmiş müdiri Ö.K.Köse da var. Səhər saatlarında sağlamlıq yoxlamasından keçirilmək üçün xəstəxanaya gətirilən Kösknin xəstəxandan çıxarkən əlləri qandallı olub. Köse 17 və 25 dekabr əməliyyatları zamanı İstanbul Terrorla Mübarizə Şöbə Müdiri vəzifəsini icra edirdi. Sonradan vəzifəsindən uzaqlaşdırılan Köseni dünən həbs edənlər isə əvvəllər rəhbərlik etdiyi Terorla Mübarizə İdarəsinin əməkdaşları olub.
Xatırladaq ki, ötən il, dekabrın 17-də Türkiyədə həyata keçirilən rüşvət və korrupsiya əməliyyatlarında içlərində 3 nazir oğlunun da olduğu xeyli sayda yüksək rütbəli şəxs həbs edilmişdi.
Saxlanılanların əksəriyyəti və nazir oğulları sərbəst buraxıldıqdan sonra Ərdoğan bu əməliyyatları həyata keçirənləri "paralel hökumət" qurmaqda ittiham edərək bütün diqqəti Fətullah Gülənin liderlik etdiyi "Gülən camaatı"na yönəltmişdi. "Gülən camaat"ını "paralel hökumət" qurmaqda ittiham edən Ərdoğanın əmri ilə geniş miqyaslı əməliyyatlar başladıldı. Əməliyyatlar zamanı yüksək postlar tutan "camaat" üzvləri vəzifədən kənarlaşdırıldı.
Qeyd edək ki, Ərdoğan bu əməliyyatalara start verərkən onun və ailə üzvlərinin səs yazıları da yayılmışdı.
Ərdoğan "onların hinlərinə girəcəyik" deyərək "camaat"a qarşı əməliyyataların həyata keçiriləcəyi barədə dəfələrlə anonslar vermişdi. Görünür bu da Ərdoğanın "Camaat"a qarşı mübarizəsinin növbəti mərhələsidir.